مدونة حب

الاهتمام

أولا وقبل أي شيء هو الاهتمام , الاهتمام هو كلمة السر لأى علاقه ناجحة . باختصار شديد الاهتمام بيقوى اى علاقة مهما كانت وبيجيب الحب مهما كان بعيد الاهتمام بالتفاصيل بكل حاجه حتى لو صغيره من الاخر كده الى بيحبك هيهتم بيك حتى لو مكنتش واخد بالك هتلاقيه هو واخد باله من كل حاجه مهما كانت مش مهمه عندك هتلاقيها مهمه عنده , في حكمه انجليزيه شهيره بتقول اذا اردت ان تصل لقلب المرأه فاهتم بصغيرها , انا بقول عموما اذا اردت ان تصل لقلب من تحب فاهتم بتفاصيله مهما كانت صغيره او كبيره وفى مجتمعنا ده اهتم بالكبير لأن معظم الناس دلوقتى بتهرب منك لما تكون في اصعب المواقف ووقتها بتلاقي نفسك لوحدك بس في حد انت مش واخد بالك منه هو الى متابعك وواقف جنبك بس انت مش حاسس بيه اهو الحد ده هو الى يقدر يخطفك من نفسك في لحظه لانه قدر يديك اهتمام وانت مش  مديله اى حاجه عشان كده يقدر شخص زى ده انت مش واخد بالك منه يغير حياتك كلها ويشقلبها من حال لحال بس محتاج فرصته.

ودايما الاهتمام بيكون جميل لو فضل بنفس قوته من البدايه للنهايه والاجمل بقى لو كان كل يوم الاهتمام بيزيد . وللأسف قلة الاهتمام هو سبب كافى جدا لدمار وفشل اى علاقه مهما كانت قويه عشان كده مفتاح سر وجمال ورقى واحترام أي علاقه هو الاهتمام.

بس نصيحة اوعى مهما حصل تطلب الاهتمام من حد , الي بيحبك هيهتم بيك من نفسه مش هيستنى طلب والاهتمام الى بيطلع من القلب لا يتوقف ابدا مهما حصل حتى لو بينكم مصانع الحداد

مدونة حب